Janubiy Koreyaning Samsung Electronics kompaniyasi 25-aprel kuni Toshkentdagi “Turkiston” saroyining yozgi sahnasida Samsung Galaxy S6 va Samsung Galaxy S6 Edge smartfonlarining O‘zbekistondagi taqdimotini o‘tkazdi, deb xabar bermoqda UzDaily.

Samsung vakillari tashrifchilarga smartfonlarning ustunliklari va takomillashtirilgan xususiyatlarini namoyish etdi. Shuningdek, tashrifchilar maxsus zonalarda yangi smartfonlarni sinab ko‘rish imkoniyatiga ega bo‘ldilar.

Taqdimot davomida Samsung kompaniyasi tomonidan turli yutuqlar va esdalik sovg‘alar, jumladan Samsung Galaxy S6 samrtfonlari sovringa qo‘yilgan o‘yinlar tashkillashtirdi. Shuningdek, taqdimotda DJ Piligrim, DJ Petishka, Sevara Nazarxon kabi o‘zbek estradasi yulduzlari va Rossiyaning “Golos. Deti” loyihasining ikkinchi mavsumi g‘olibasi Sabina Mustayeva qatnashdi.